HINDI
KUKULANGIN!
“Matakot kayo
sa Panginoon, kayo na kanyang mamamayan. Dahil ang may takot sa kanya ay hindi
kukulangin sa lahat ng pangangailangan.”
-Mga Awit 34:9-
Ang
pagkain ay isang pangunahing pangangailangan ng tao para mabuhay. Base sa aking
obserbasyon, ang makakain kahit isang beses lamang sa isang araw ay isang
pagpapala. Hindi lahat ng tao ay pare-pareho ang estado ng buhay. At karamihan
sa kapwa kong Pilipino ay kumukayod para may pambili ng pagkain. Si Apostol
Pablo sa kanyang sulat sa Filipos kabanata apat, ay nagpahayag ng pasasalamat
sa natanggap niyang tulong. Isang mananampalataya si Apostol Pablo at siya ay
naging kontento sa kabila ng kanyang karanasan at kinilala niya na natugunan
lahat ang kanyang pangangailangan at nakayanan niya ang lahat dahil sa tulong
ni Cristo. Sa Awit 34 naman, naihayag na tumutulong ang Diyos sa lahat ng
nagtitiwala sa Kanya.
Sa
aking pagtatapos ng personal devotion, napaisip ako kung gaano kabuti ang Diyos
sa akin. Ipinaranas ng Diyos ang kanyang kabutihan sa akin, sa pamamagitan ng
pagpapakain. Bilang isang manggagawa ng simbahan, mayroon akong natatanggap na
mga imbitasyon sa mga handaan, simpleng kainan sa bahay ng mga miyembro ng
simbahan at mayroong ding pagkakataon na may inaabot mismo sa akin na pagkain.
Sa pamamagitan nito, nakita at naranasan ko ang pagtugon ng Diyos sa aking pangangailangan.
Hindi niya ako hinayaang magutom. Tunay na ang may takot sa Diyos ay hindi
kukulangin sa lahat ng pangangailangan.
Comments
Post a Comment