PKA 08 Hindi Para Kalugdan

 

Hindi Para Kalugdan

“4 Sa halip, nangangaral kami bilang mga karapat-dapat na katiwala ng Dios ng kanyang Magandang balita.Ginagawa naming ito hindi para kalugdan kami ng mga tao kundi ng Dios na siyang sumisiyasat sa mga puso naming. 5 Alam niyo rin na hindi naming kayo dinaan sa matatamis na pananalita sa pangangaral namin at hindi rin kami nangaral para samantalahin kayo. Ang Dios mismo ang saksi naming.6 Hindi namin hinangad ang papuri ninyo o sinuman.”

-1 Tesalonica 2:4-6-

 

 

Noong labing anim (16) na gulang ako habang nasa araw ng pananambahan, naitanong ko sa aking sarili, “bakit kaya kaunti ang pumipili na maging church worker?” Ako ay nagtataka dahil isang mabuting gawain naman ang maglingkod sa Diyos. Nasa panahon ako noon ng pag de-desisyon kung ano ang kukunin kong programa sa kolehiyo. Maging isang Doctor, maging isang Pharmacist, o maging isang Nurse o alinmang propesyon sa larangan ng medisina ang noon ay nais kung maging pag laki ko. Ngunit biglang nagbago ang pananaw ko sa buhay ng sa aking kabataan ay na-involve ako sa gawaing simbahan. Nakita ko ang kahalagahan ng isang lingkod ng Diyos o ang pumasok sa ministeryo ng Diyos. Hindi ko masasabing wala nang saysay ang ibang propesyon dahil lahat naman ay may kabuluhan ngunit masasabi ko na tinawag ako ng Diyos sa Kanyang ministeryo para maglingkod.

Ang maipangarangal ang Mabuting Balita na mahal ng Diyos ang buong sangkatauhan kaya ibinigay Niya si Jesus na kanyang Anak na namatay para sa ating kasalanan at kung sinuman ang sumampalataya sa kanya ay hindi mapapahamak kundi magkaroon ng buhay ng walang hanggan, ay ang nais ng Diyos na malaman ng lahat. Bilang isang lingkod ng Diyos, bawat araw ay hamon para sa buhay na kalugod- lugod sa kanya-ang pagsasantabi sa sariling kagustuhan at pagtugon sa kung ano ang nais Niya, at ang mamuhay ng may pag-ibig sa lahat ng pagkakataon. Ang lahat ng nagawa, ginagawa, at gagawin palang ay tanging tungkulin na aming ginagampanan para sa Diyos na Siyang sumisiyasat sa aming mga puso. Kaya’t ang aking panalangin ay magpatuloy sa gawain na ibingay ng Dios hindi para kalugdan at papurihan kundi  upang aking lubos na magampanan ang tungkulin na Kanyang ibinigay.