Where does God reside? (Saan Nananahan si Yahweh?)

 June 14, 2024

 UMYFP and UMYAFP Fellowship

Theme: Where does God reside? (Saan Nananahan si Yahweh?)

Reference: The Upper Room Disciplines A book of daily devotions 2024

Question: Saan ka ngayon nakatira? Masasabi mo ba na ligtas at panatag ka sa lugar na ito habang buhay? Para sa iyo, paano mo mailalarawan ang isang tahanan?

Scripture: 2 Samuel 7:1-9 (Ang Kasunduan ng Diyos kay David)

¹Si David ay panatag nang nakatira sa kanyang palasyo. Sa tulong ni Yahweh, hindi na siya ginambala ng kanyang mga kaaway. 2 Tinawag niya si Natan at sinabi, “Ang tahanan ko'y yari sa sedar, samantalang nasa isang tolda lamang ang Kaban ng Diyos.”

3 Sumagot si Natan, “Isagawa mo ang iyong iniisip, sapagkat si Yahweh ay sumasaiyo.”

 ⁴ Ngunit nang gabi ring iyon, sinabi ni Yahweh kay Natan, ⁵ “Pumunta ka kay David na aking lingkod at sabihin mo, ‘Ipagtatayo mo ba ako ng tahanan? ⁶ Mula nang ilabas ko sa Egipto ang Israel, wala pa akong bahay na masasabing akin. Hanggang ngayo'y tolda pa ang aking tahanan. ⁷ Kahit lagi akong kasama ng Israel, wala akong sinabing anuman sa sinumang pinuno tungkol sa tahanang sedar na dapat kong tirhan, gayong ako ang pumili sa kanila upang mamahala sa aking kawan.’ ⁸ Sabihin mo rin sa lingkod kong si David ang salitang ito ni Yahweh: ‘Kinuha kita mula sa pagpapastol ng tupa upang gawing pinuno ng bayang Israel. ⁹ Kasama mo ako saan ka man magtungo at lahat mong mga kaaway ay aking nilipol. Gagawin kong dakila ang iyong pangalan tulad ng mga dakilang tao sa daigdig.

 

Ayon sa ating nabasa ay nakamit ni haring David ang kanyang katayuan sa pamamgitan ng tulong ni Yahweh. Napagtanto ni haring David na siya ay nakatira sa palasyo ngunit and Kaban ng Diyos ay nasa Tolda lamag. Ano kaya ang naiisip gawin ni David? Nagbabalak ba siya na gawan ng tahanan ang Diyos? Maaaring katulad ni David ay nakikita natin kung ano tayo ngayon at nais din natin ibalik lahat sa Panginoon o bigyan ng Karangalan ang Panginoon at naisin na bigyang espasyo ang Panginoon.

 

Ano naman ang sinabi ni Yahweh kay David? Ang tugon naman ng Diyos ay “simula nang iligtas Niya ang Israel ay wala pa Siyang bahay na masasabing sa Kanya at tila sa tolda pa lamang ang Kanyang tahanan at wala pa Siyang sinasabihin sa mga pinuno ng Isarel (maging si David) patungkol sa tahanan na dapat Niyang tirhan (vv. 6-8). At sinabi pa ng ating Diyos na laging kasama Niya ang Israel at sila ang napili para mamahala sa Kanyang Kawan. At nangako pa ang ating Diyos sa sasamahan Niya si David saan man siya magtungo, ililigtas, at gagawing tanyag sa daigdig (v. 9). Ano sa iyong palagay ang ibig-sabihin nito? Saan ba nakatira at nananahan ang ating Diyos? Bakit hindi sinabi ng Diyos ang patungkol sa Kanyang dapat tirhan?

 

Ang katotohanan sa pagbubulay natin ngayon ay ang Diyos ay nananahan sa NAIS niyang gawing tahanan. Hindi ito limitado sa isang gusali lamang, isang lokasyon, o isang tao. Sa katanuyan ay nasa Diyos ang pinakamataas na desisyon kung saan, kalian, at kanino siya mananahan. At ipinapaunawa din s na nanahan  at sumasaatin ang Diyos na mababasa sa ebanghelyo ni Juan (15:4) “⁴ Manatili kayo sa akin at mananatili din ako sa inyo. Hindi magbubunga ang sangang hindi nananatili sa puno. Gayundin naman, hindi kayo magbubunga kung hindi kayo mananatili sa akin.”  At sa 1 Corinto 3:16-18 naman ay

“16 Hindi ba ninyo alam na kayo'y templo ng Diyos at naninirahan sa inyo ang kanyang Espiritu?”

 

Hindi pinahintulutan ng ating Diyos na sabihin ang patungkol sa Kanyang dapat tirhan sapagkat nais niya na maunawaan natin na Siya ay nakahihigit sa lahat at Siya ang nattaanging nakakaalam ng lahat. At nais Niyang itanim sa atin na magkaroon tayo ng tiwala sa Kanya. Hindi natin maaabot ang kaisipan ng Diyos kung saan Siya paparoon o paparito, ngunit sa papamamagitan ng pananamplataya natin kay Jesus nauunawaan at nararamdaman natin na kasama natin ang Diyos at tayo ay Kanyang iingatan, at gagawing saksi sa sangkatauhan.

Nitong mga nakaraang araw, ipinaunawa sa akin ng Diyos na hindi ko dapat piliin ang lugar na kung saan sa “aking  palagay” ay nandoon ang Kanyang presensya. Ito ay isang maling kaisipan at pananaw, sapagkat Hindi tayo ang magtatakda ng lokasyon ng Diyos at ang katotohahan ay Siya, na ating Diyos, ay laging nandyan at laging dapat pahintulutan at hayaan na kumilos at magpakilala.

 

Nagkakaroon ka pa rin ba ng agam-agam kung saan tatahan ang ating Diyos? At kung nasaan Siya? At kung kasama ba natin Siya?

 

Saan man tayo magpunta huwag matatakot at mangamba dahil nangako ang Diyos na sasamahan Niya tayo.

 

 Sinasabi sa Jeremias 29:13 “13 Kapag hinanap ninyo ako, ako'y inyong matatagpuan; kung buong puso ninyo akong hahanapin.”

 

Panalangin…