Skip to main content

Children’s Rally 2024| Morning Devotion-Storytelling

 Inihanda ni:

Dss. Jesemae Gael O. Gale

Biblical References: Acts 1 and Acts 2

Petsa ng paguslat: November 20, 2024

Children’s Rally 2024|Morning Devotion-Storytelling

                                                  

Ang Buhay bilang Disipulo ni Jesus

            Matagal na panahon na ang lumipas nang may isang taong isinilang sa katauhan ng Birheng Maria sa pagkilos ng Espiritu ng Diyos. At ang pangalan niya ay Si Jesus. Si Jesus ay naparito sa mundo upang gawain ang kalooban ng Diyos sa langit at ito ang pagliligtas sa lahat ng tao mula sa kanilang kasalanan. Habang si Jesus ay nandito sa mundo, siya ay nagturo ng salita ng Diyos, nagpagaling, nagpakain at marami pang iba. Marami rin ang naninwala sa kanya at sumunod sa kanya. Ang mga tagasunod ni Jesus ay tintawag na disipulo. Sila ang mga kasama ni Jesus sa bawat gawain upang maipadama sa lahat ang pag-ibig ng Diyos. Ngunit mayroon din naming mga tao noon na hindi naniwala kay Jesus.

            Gayun pa man, ay dumating ang araw na matutupad ang pagliligtas ng Diyos. Si Jesus, kahit walang kasalanan at gumagawa ng mabuti, ay hinuli, pinarusahan, ipinako sa krus, at inilibing.

            Takot na takot ang mga disipulo ni Jesus ng mga araw na iyon dahil nawala ang pag-asa nila na si Jesus. Ngunit ang hindi nila agad nalaman ay nabuhay na muli si Jesus matapos ng tatlong araw sa pamamagitan ng kapangyarihan ng Diyos.

            Nagpakita si Jesus sa kaniyang mga alagad at napatunayan na siya nga ay tunay na nabuhay. Bago umakyat si Jesus sa langit ay kinausap niya ang kanyang mga disipulo at nagbilin siya sa kaniyang mga alagad na hintayin nila ang ipinangko ng Diyos. Ito ay ang Banal na Espiritu na sasama sa kanila upang mapagpatuloy nila ang mga sinimulang gawain ni Jesus at magpatotoo patungkol sa kaniya.

            Dumating sa buhay ng mga disipulo ang pangakong Banal na Espiritu ng Diyos at sila ay humayo at inihayag ang patungkol kay Jesus, ang pagtalikod sa kasalanan at ang pagtanggap kay Jesus. Maraming ang naniwala sa kanila at dumadag para maging alagad ni Jesus. Sa araw na iyon ay mayroong tatlong libong katao. At ang ginagawa nila ay sama-sama silang nag-aral ng salita ng Diyos, kumain, at nanalangin.

            Ang lahat ng naniniwala kay Jesus ay nagsama-sama at lahat nang mayroon sila ay para sa lahat.  At ipinagbili rin nila ang mga ibang ari-arian para ibahagi sa mga nangangailangan. Patuloy silang nagsama-sama bilang mga naniniwala sa Diyos, sila ay masayang nagsamasama sa tahanan ng Diyos, nagbibigayan, at nagpupuri sa Diyos. At bawat araw ay nadaragdagan ang taong nagsisi sa kanilang kasalanan, tinatanggap si Jesus at naligtas.

                                                           

            Sa kwentong ito ay makikita natin ang Pag-ibig ng Diyos, ang mga gawain ni Jesus, at kung paano namuhay ang lahat ng taong naniniwala kay Jesus. Itinuturo sa atin ngayon na mahalaga na tayo bilang naniniwala kay Jesus ay magsama-sama, masaya, nagbibigayan, nagtutulungan, nanalanagin, nagpupuri sa Diyos at higit sa lahat ay nagmamahalan.

 

Labels:

Comments

Post a Comment

Other Stations

ANG PAGHAHANDA

  WAKE SERVICE: Biblical Medidation Date Written: March 16, 2026   Biblical References: Lucas 23:39-43; Mangagaral 3:1-2a; Pahayag 21:1-4; Roma 3:23; Roma 6:23; Juan 3:16, Juan 14:1-7   Lucas 23:39-43 Ang Salita ng Diyos 39  Nilait siya ng isa sa mga salarin na nakapako sa krus at sinabi: Kung ikaw ang Mesiyas, iligtas mo ang iyong sarili at kami. 40  Sumagot ang isa at sinaway siya na sinabi: Hindi ka ba natatakot sa Diyos na ikaw ay nasa gayunding kaparusahan?  41  Tunay na ang kaparusahan sa atin ay matuwid sapagkat tinanggap natin ang nararapat na kabayaran ng ating ginawa. Ngunit ang lalaking ito ay walang nagawang anumang pagkakamali. 42  Sinabi niya kay Jesus: Panginoon, alalahanin mo ako kapag ikaw ay nasa paghahari mo na. 43  Sinabi ni Jesus sa kaniya: Katotohanang sinasabi ko sa iyo, sa araw na ito, ikaw ay makakasama ko sa Paraiso.   PANIMULA Ang teksto na aking binasa mula Biblia ay patungkol panaho...
Post a Comment
Read more

W-O-W (Wonderful-Original-Worthy)

GUEST SPEAKER- BOLINAO CHRISTIAN SCHOOL INC. APRIL 15, 2025 DATE WRITTEN: April 10, 2025 Theme: “Generation of Unity: Partners for the New Philippines” (Henerasyon ng Pagkakaisa: Kaagapay sa Bagong Pilipinas)   Psalm 139: 14a“I praise you, for I am fearfully and wonderfully made. Wonderful are your works; that I know very well.”   International Children’s Bible   (I praise you because you made me in an amazing and wonderful way. What you have done is wonderful. I know this very well.)   (Pinupuri kita, O Diyos, marapat kang katakutan ang lahat ng gawain mo ay kahanga-hanggang tunay; sa loob ng aking puso, lahat ito’y nakikintal.     INTRODUCTION: To our Administrative Pastor, Rev. Victor Magno, To the Chairman of the Board of Trustees, Madam Carmen Chiong and members of the BOT, our Christian Education Deaconess, Dss. Lygen Tabucol, Our Teacher In Charge, Dss. Vernadhette Caslib, to our dear teachers and staffs, our supportive parent...
Post a Comment
Read more

A testimony of my calling and faith journey

 Gale, Jesemae Gael O. Senior-ABCE A testimony of my calling and faith journey                   I am Jesemae Gael O. Gale, a graduating student at Harris Memorial College, a Bachelor of Arts in Christian Education -under the Deaconess Program. The following paragraphs will revolve around my faith journey and calling to the deaconess ministry.                 When I was in grade 7, 13 years old, I started getting involved in church work as a youth. At that time, I gradually came to know the Lord. As a teenager, my only priority was to study. By taking the initiative to approach the Lord and read and study the Word of God with the help of fellow believers in the church, I realized that the relationship with God should also be valued. In 2016, I completely accepted Jesus as my Lord and Savior,...
Post a Comment
Read more