Sa Hudyat

Makalipas ang halos tatlong buwan sa aking bagong church appointment – Anda Central United Methodist Church (ACUMC), napakarami na agad akong realizations sa buhay, sa sarili, sa ministry, at sa aking pananampalataya. Sa ikatlong buwan lamang na pinahintulutan ako ng ating Diyos na magsalita kaya iyon ang aking gagawin sa puntong ito. Sa ibaba, makikita ang mga supporting verses kung bakit ngayon ay nagbabahagi ako sa inyo.

Lucas 5:14

¹⁴ Pinagbilinan siya ni Jesus, “Huwag mong sasabihin ito kaninuman. Sa halip ay pumunta ka sa pari at magpasuri sa kanya. Pagkatapos, mag-alay ka ng handog ayon sa iniuutos ni Moises bilang patotoo sa mga tao na ikaw nga'y magaling na.”

Lucas 8:17

¹⁷ Walang natatago na di malalantad, at walang lihim na di mabubunyag.

Lucas 8:39

³⁹ “Umuwi ka na at ipamalita mo ang dakilang bagay na ginawa sa iyo ng Diyos.”

 

Ito ang panahon ng pagbabahagi.

Sa unang buwan ng aking new church appointment, ako ay nanibago. Gayun pa man ay pinanghawakan ko ang mensahe ng aming Bishop Rev. Rodel sa kanyang facebook post na

“Today, we are not simply starting this conference year…we are stepping into something new…we stand at a sacred beginning —a moment where the past meets the future, where what has been gives way to what can be.

Beloved church workers, and lay leaders, let us go forth with courage—Love Boldly, Serve Joyfully, and Lead Courageously. Let us be a beacon of hope—shining Christ’s light wherever we go.

Yes, embracing change is challenging. But remember this: where God calls, He also equips.

May God bless us more.”

 

Mula sa baryo napunta sa bayan at mas lumawak pa na church community. Lahat para sa akin ay bago; bago ang lugar at mga tao. Hindi dapat ako magulat dahil ganito ang sitwasyon at patakaran na pagiging church worker, na talagang may panahon ng paglipat at pananatili. Ngunit sa totoo lamang kahit ito ay aking isipin, hindi ko maiwasan na maramdaman ang mga pagbabago na nasa aking harapan. Ngunit ang sabi ng ating Diyos sa akin ay “embrace it, love them, I love this church.”

 

Dumaan ako sa “adjustment period” at “getting to know stage”.  Mahalaga na dapat ay totoo ka sa iyong sarili at walang halong pagkukunwari sa harapan ng iba. Doon ay mas mapapadali na makabuo ng relasyon sa loob ng church community. Kahit alam ko sa sarili ko na hindi ako social person at madalas na mabilis akong mapagod kapag napapaligiran ng maraming tao ay sinusubukan ko pa rin na mag reach out. Unti- unti ay dapat na makihalubilo sa lahat regardless sa edad at kasarian ng mga miyembro.

 

Kasabay ng adjustment period na ito ay ang pagpapatuloy ng ministeryo ng Diyos. Nagkaroon agad ng council meeting sa unang linggo. Sa panahon na iyon, nakilala ang mga makakasama para sa gawain sa simbahan at komunidad. Mahalaga ang pagtutulungan para sa gawain ng Diyos.  

 

Sa loob ng tatlong buwan, nagpapasalamat ako sa biyaya ng ating Diyos dahil naipagpapatuloy ang pagsamba ng sama-sama, pagtuturo ng salita ng Diyos, ang Family devotion, pananalangin, paglilingkod sa iba’t ibang okasyon, at ang pag-awit at pag-tugtog para sa Diyos. Naniniwala ako na kumikilos ang Diyos sa buhay ng bawat isa saan man sila naroon: sa bahay, sa eskwelahan, o sa trabaho man.

 

Ang takbuhin bilang mananampalataya ay pang-araw araw na hamon. Sabi sa Lucas 9:23,

^“23 At sinabi niya sa kanilang lahat, “Ang sinumang nagnanais sumunod sa akin ay kinakailangang itakwil ang kanyang sarili, pasanin araw-araw ang kanyang krus, at sumunod sa akin.”

 

Kaya ang panalangin ko para sa amin lahat ay ang bigyan nawa kami ng ating Diyos ng buong  tiyaga na maipagpatuloy ang buhay kasama si Jesus. Nawa’y gabayan at tulungan mo po kami aming Diyos Ama.

 

Nakaranas din ng unos ang kumunidad ng Anda dahil sa epekto ng Bagyong Emong noon buwan ng Julyo. Maraming ang nasirang mga bahay, natumbang puno at mga iba’t ibang mga ari-arian. Nawalan ng power ng kuryente sa buong Anda. Naging tahanan para sa lahat ang simbahan. Nakapagbahagi ng kuryente sa iba sa pamamagitan ng generator. Ang mga ministry team ng simbahan ay nagbahagi ng relief goods sa mga nasalantang mga kapatid sa pananampalataya. Sa totoo lamang noong hindi ako nakasama sa pag hahanda at pag distribute ng relief goods, ako ay nalungkot, nahiya, at nakonsensya. Ngunit alam ng ating Diyos ang aking dahilan at kailangan kong umuwi sa amin sa bayan ng Bolinao na naapektuhan din ng bagyo. Gayun pa man, kasama natin ang Diyos saan man tayo naroon at gagamitin Niya tayo na abutin ang iba at maging pagpapala kahit na hindi pareho pareho ang ating mga pinuntahan at pupuntahan.

 

Ang panghuli na aking natutunan sa ating Diyos ay ang kapangyarihan ng pagkikiramay (empathy). Halos isang taon na ang makalipas nang ang ACUMC ay dumaan sa pagusbok, nasubok ang pananampalataya at nagkaroon ng hiwalayan. Wala pa ako dito sa ACUMC noon noong naganap ang lahat dahil mayroong akong ibang church appointment. Noong ika-17 Augusto, 2025, ay nagkaroon ng isang araw ng pagpapasalamat sa kabutihan at katapatan ng Diyos sa simbahang ito. Nagkaroon ng mga pagpapatotoo, nagbaliktanaw kung paano binangon at hinuhubog ng ating Diyos ang Kanyang mga anak sa ACUMC. Tumawag ang Panginoon ng mga bagong lider para paipagpatuloy ang kalooban ng Diyos sa simbahang ito. Sila’y tumugon, sumunod, at nagpagamit sa Diyos kahit pa mayroon silang pagdududa sa kanilang mga sarili. Ngunit angkop ang nabanggit sa Kasulatan:

 

Juan 15:16

“¹⁶ Hindi kayo ang pumili sa akin, ako ang pumili sa inyo. Hinirang ko kayo upang kayo'y humayo at magbunga at manatili ang inyong bunga. Sa gayon, ang anumang hingin ninyo sa Ama sa aking pangalan, ay ibibigay sa inyo.

 

1 Corinto 1:27-29

 

²⁷ Subalit pinili ng Diyos ang mga naturingang hangal sa sanlibutan upang hiyain ang marurunong, at pinili niya ang mga naturingang mahihina upang hiyain ang malalakas. ²⁸ Pinili niya ang mga pangkaraniwang tao, mga hinahamak, at mga mahihina sa sanlibutang ito upang ipawalang saysay ang mga kinikilala ng sanlibutan. ²⁹ Kaya't walang sinumang makakapagmalaki sa harap ng Diyos.

 

 

Aking kinikilala ang aking mga kapatid sa pananampalataya na tumayong mga bagong lider sa ACUMC magmula noong naganap ang hiwalayan hanggang sa oras na ito, salamat sa inyong pagsunod sa kaloob ng ating Diyos. Pangako Niya na lagi nating Siyang kasama.

 

Nakapaloob sa programa ang paghahandog ng awitin ng ACUMC Chancel Choir. Ang una ay ang “Forward by Faith” at ang pangalawa naman ay ang “Stay Strong.” Sa pang huling awitin na “Stay Strong”, ako ay nakadama ng “Empathy” sa aking mga kapatid na lubos na naapektuhan sa naganap na hiwalayan. Nakita ko na bumubuhos ang luha sa mga mata ng aming conductor ganoon din sa aking mga katabi habang kumakanta. Nasusulat sa,

 

Roma 12:15., “¹⁵ Makigalak kayo sa mga nagagalak, at makitangis sa mga tumatangis.”

 https://youtu.be/vVMNDBcnJmw?si=OX7Sx7iF--goaBmE

Dahil ang Diyos ay mabuti at tapat, karapatdapat ang lahat ng papuri sa Kanya. Maraming salamat Panginoon Diyos hindi Mo po kami iniwan at pinabayaan , sa pagbibigay ng liwanag at katatagan sa aming lahat tulungan Mo po kami na magpatuloy at maging matatag sa pananampalataya namin sa Iyo. Amen.