Skip to main content

UPGRADE (Level Up)

NACATOBO UMYFP (Youth) Night 2026

At Namagbagan United Methodist Churxh

January 25, 2026

WRITTEN BY Dss. Jesemae Gael O. Gale

Date: January 21, 2026

 Theme: UPGRADE

Scripture: Ephesians 4:24

(NRSV) 24 and to clothe yourselve

s with the new self, created according to the likeness of God in true righteousness and holiness.

(ESV)24 and to put on the new self, created after the likeness of God in true righteousness and holiness.

(MBB) 24 at ang dapat ninyong isuot ay ang bagong pagkatao na nilikhang kalarawan ng Diyos, at nahahayag sa matuwid at banal na pamumuhay ayon sa katotohanan.

 

Ang tema ng pagdiriwang ng UMYFP Sunday ay “Upgrade”. Nang sinubukan kong humanap ng pinakamainam na “translation” ang aking napili ay “mapabuti” o “pabutihin”.  Ang salitang “Upgrade “ay isang digital term na kung saan ginawa natin sa ating mga “digital devices” para mas gumanda at maging maayos ang paggamit natin dito. Kung ihahalintulad natin ito sa buhay natin bilang isang Kristiyano, ano ba ang dapat nating i-upgrade, isaayos, o pabutihin?

 

Ang temang “Upgrade” ay kabilang sa mga ginamit na term noong Christmas Institute 2025 Banyuhay- Ang Bagong Anyo ng Buhay. Mula sa Start Up, Uninstall, Install, at Upgrade.

Ang teksto na ating gagamitin ay mula sa Efeso 4:24 na sinasabi “at ang dapat ninyong isuot ay ang bagong pagkatao na nilikhang kalarawan ng Diyos, at nahahayag sa matuwid at banal na pamumuhay ayon sa katotohanan.”

Ang Aklat ng Efeso kabanata apat (4), ay nagpapaalala sa atin ng bagong buhay kay Cristo. Ano ba ang bunga ng pagtanggap natin kay Jesus bilang ating Tagapaligtas? Ano-ano ba ang nais ng Diyos sa ating buhay? Paano ba dapat tayong mamuhay bilang Kristiyano?

 

I-upgrade ang iyong PAG-IISIP.  Itanim mo sa iyong isip na ikaw na ay mayroong bagong pagkatao na nilikhang kalarawan ng Diyos dahil sa pagtanggap mo sa kaligtasan mula Kay Jesu-Kristo.  Noong una pa lamang sa pagkalikha ng tao, sinabi na ang tao ay nilikha sa larawan ng Diyos (Gen. 1:27). Ngunit dahil dumating ang kasalanan nabaling ang pag-iisip ng tao mula sa Katoohanang mula sa Diyos at nalayo sa kalooban Niya. Gayon pa man, dahil sa Kanyang pag-ibig sa sanlibutan, niligtas ang lahat sa pamamagitan ni Jesu-Kristo at sa pamamagitan Niya muli tayong naibalik sa piling ng Diyos at muling ibinigay ang katotohanang tayo’y ay nilikhang kalarawan ng Diyos.

Sa mga naunang verses sa Efeso 4:20-23, ipanapaalala na may mga turo at aral si Jesu-Kristo na itinuro sa lahat. Napakinggan at natutunan na raw natin ito kaya dapat na nating iwanan ang dating pamumuhay at magbago na ng pag-iisip.  Ano ba ang dapat nating isaisip? Ano ba ang lamang ngayon ng iyong isip?

 

Colosas 3:2-3

2 Ang mga bagay na panlangit ang isaisip ninyo, hindi ang mga bagay na panlupa, 3 sapagkat namatay na kayo at ang inyong buhay ay nakatago sa Diyos, kasama ni Cristo.

Filipos 4:8-9

8 Bilang pagtatapos, mga kapatid, lagi ninyong isaisip ang mga bagay na karapat-dapat at kapuri-puri: mga bagay na totoo, marangal, matuwid, malinis, kaibig-ibig, at kagalang-galang. 9 Isagawa ninyo ang lahat ng inyong natutunan, tinanggap, narinig at nakita sa akin. Sa gayon, sasainyo ang Diyos na nagbibigay ng kapayapaan.

Roma 12:2

2 Huwag kayong makiayon sa takbo ng mundong ito. Sa halip, hayaan ninyong baguhin ng Diyos ang inyong pag-iisip upang maunawaan ninyo ang kanyang kalooban. Sa gayon, magagawa ninyo kung ano ang mabuti, kalugud-lugod at ganap na kalooban ng Diyos.

 

Nakakalungkot isipin, na kahit gaano kabuhay at totoo ang Salita ng Diyos, kaunti ang sumusunod dito. Siyasatin natin o i-assess ang ating sarili at itanong na gaano ko kadalas piliin na araw-araw mag-upgrade para sa Panginoon at sumunod sa Kanya?

 

I-upgrade ang iyong PAMUMUHAY. Mula sa ating teksto sa Efeso 4:24… ang bagong pagkatao kay Cristo ay nahahayag sa matuwid at banal na pamumuhay ayon sa katotohanan. Kumusta ang iyong buong araw? Ano ang iyong pinagkaka-abalahan sa 24 hrs. na ibinibigay sa iyo ng Diyos? Namumuhay ka ba ng matuwid, banal, at ayon sa kalooban ng Niya?

Mayroong idea na lumlabas sa internet na “it takes 21 days to build a habit, 90 days to build a new lifestyle, and three (3) months to change life essentially.”

Ngunit mula sa research naman, wala daw ‘specific number of days’ kundi ito ay nakadepende sa ugali o gawi ng isang tao. At ‘CONSISTENCY IS THE KEY’ ang hindi pabago-bago o pagtuloy tuloy sa gawain ang siyang nagpapanatili nito.

Sa madaling sabi, ang pag-upgrade at pag-sasaayos ng ating buhay ay hindi pang-overnight lang kundi ito ay isang pang araw-araw na proseso hanggang sa makamit natin yung tunay na pagbabago.

Kaya pinalalakas ni Jesus ang ating loob sa pamamagitan ng,

Mateo 16:24

24 Sinabi ni Jesus sa kanyang mga alagad, “Sinumang nagnanais sumunod sa akin ay kailangang itakwil ang kanyang sarili, pasanin ang kanyang krus, at sumunod sa akin.

 

Araw-araw ay hamon sa ating na sumunod sa kalooban ng Diyos. Ang pagsunod Kay Jesus ay katunayan na tayo ay talagang Kristiyano at alagad niya.

 Sa mga sumusunod na verses sa Efeso 4:25-32, nababanggit doon ang dating mga pag-uugali na napapalitan na ng ugaling kalawaran ng Diyos. Katulad ng mga sama ng loob, galit at mga masasamang gawain na napalitan na ng pag-ibig, awa, at pagpapatawad katulad ng itinituro ni Jesus.

Kung dati ay hindi tayo naglalaan ng oras sa pananalangin at pagbabasa at pag-aaral ng Salita ng Diyos, ngayon ay maaari na tayong mag-upgrade na manalangin at magkaroon ng personal na oras sa Panginoon at magbasa at mag-aral ng Kanyang Salita.  At sa pamamagitan nito malalaman natin kung ano ang kalooban niya sa atin at kung ano ang nais Niyang gawin natin sa pamilya at church na ating kinabibilangan, sa school, sa work at sa kung saan man Niya tayo dalhin upang maging daluyan ng Kanyang pag-ibig at pag-papala.

 

Mimamahal kong mga kapatid sa pananamapalataya, ang pag-UPGRADE ay isang proseso na kailangan ng kaisapang katulad ng kay Jesu-Kristo, nangagailangan ng pagtiyatiyaga na sumunod sa kalooban ng Diyos at pananampalataya na ikaw ay babaguhin ng Diyos. Dahil tanging Siya lamang ang makakapagpapabuti, makakapag-aayos, at makapag a-upgrade ng iyong buhay.

 

Kung ikaw, ay nagnanais na mag-upgrade sa iyong buhay Kristiyano, samahaan mo ako sa pagbigkas ng panalangin na ito.

Panginoon Jesus na aking Panginoon at Tagapagligtas, hinihingi ko po ang Iyong gabay sa aking buhay upang malaman ko ang iyong kagustuhan para sa akin at nang magawa ko ito para sa iyong ikararangal. Panalangin ko po na ako ay turuan Mong magtiwala sa Iyo at sumunod sa diwa ng pananalangin, pag-aaral ng Iyong Salita at pagsasagawa nito. Gawin Mo po akong pagpapala sa maraming tao. Amen.

 

Labels:

Comments

Post a Comment

Other Stations

God's Call and Our Response

  Biblical Reference Mark 1:14-20     In what season of life are you right now? What have you been doing? If someone intervenes to you while you are doing something or you are in such a season of your life, would lend your ear and pay attention?          Read Mark 1:14-20 In the passage that we read, there is a place called Galilee where Jesus went and proclaimed the good news of God, for the time was fulfilled and there is a need to repent and believe in the good news for the Kingdom of God is near. What do you think are the Galileans doing when Jesus was proclaiming? The Galileans are doing their daily routine and their lifestyles and livelihoods. For example, fishing. In verse 16 says, “ Jesus passed along the Sea of Galilee, he saw Simon and his brother casting a net into the sea- for they were fishermen.” What is the relevance of this in our lives?   The message of our devotion today is that Jesus has a call to all the peop...
Post a Comment
Read more

PKA 03 INILIGTAS!

  INILIGTAS! “Ilayo nʼyo ako sa bitag ng aking mga kaaway, dahil kayo ang aking matibay na tanggulan. -Mga Awit 31:4-                     Ang Diyos ang nagligtas kay haring David sa oras ng kanyang pagkabalisa at mga problema. Madalas na hinahanapan ng tao ng solusyon ang kanyang problema. At ang mga problemang ito ay maaaring nakapaloob sa mga aspeto ng buhay: pisikal, pinansyal, mental, emosyonal, sosyal, esprituwal, at sekswal. Ang mga problemang ito ay nagsisilbing mga kaaway na maaring sumira sa tao. Sa katunayan, kahit ano pang pagsisikap ng tao na pagtagumpayan ang mga problema niya, kung nanahan lamang sa kanyang sariling kaisipan at lakas, siya’y mabibigo.                 Si haring David ay humingi ng tulong sa Diyos. Siya ay nagtiwala na kayang-kaya ng Diyos na iligtas siya sa bitag ng kanyang mga kaaway....
Post a Comment
Read more

Isang Taon at Pagkakataon

VIDEO:  https://web.facebook.com/share/v/1JVCyWh1mU/              Sa isang taon na ako ay nakadestino sa Anda Central ay maraming ako natutunan. Ito rin ang ikalawang taon ko sa aking full-time ministry. Ang ACUMC ay isang matatag na simbahan. Dumaan man ito sa hiwalayan, nagpatuloy ito kahit baguhan ang mga nakaupong mga opisyal. Hindi ko masasabing ito ay perpektong simbahan, ngunit nakita ko ang pagnanais na lumago hindi lamang sa bilang ngunit ganoon din sa pananampalataya. Hindi man ito agad-agad, nauna man ang paglago sa bilang, ngunit nagtitiwala ako sa pangungusap at paglago na ibibigay ng Panginoon para sa mga miyembro. Ang panawagan lamang sa bawat isa ay ang pagkakaisa, pagbibigayan, tapat na pagsunod sa ating Diyos, pagpapakumbaba, paglilingkod, pagpapatawaran, at pagmamahalan.             Nakasama ko sa isang buong taon ang aking mga minamahal na kamanggagawa sa iglesia sina Pastor Augusto as ...
1 comment
Read more