Skip to main content

ANG PAGHAHANDA

 

WAKE SERVICE: Biblical Medidation

Date Written: March 16, 2026

 

Biblical References: Lucas 23:39-43; Mangagaral 3:1-2a; Pahayag 21:1-4; Roma 3:23; Roma 6:23; Juan 3:16, Juan 14:1-7

 

Lucas 23:39-43

Ang Salita ng Diyos

39 Nilait siya ng isa sa mga salarin na nakapako sa krus at sinabi: Kung ikaw ang Mesiyas, iligtas mo ang iyong sarili at kami.

40 Sumagot ang isa at sinaway siya na sinabi: Hindi ka ba natatakot sa Diyos na ikaw ay nasa gayunding kaparusahan? 41 Tunay na ang kaparusahan sa atin ay matuwid sapagkat tinanggap natin ang nararapat na kabayaran ng ating ginawa. Ngunit ang lalaking ito ay walang nagawang anumang pagkakamali.

42 Sinabi niya kay Jesus: Panginoon, alalahanin mo ako kapag ikaw ay nasa paghahari mo na.

43 Sinabi ni Jesus sa kaniya: Katotohanang sinasabi ko sa iyo, sa araw na ito, ikaw ay makakasama ko sa Paraiso.

 

PANIMULA

Ang teksto na aking binasa mula Biblia ay patungkol panahon ng si Jesus ay ipinako sa Krus kasama ng dalawang kriminal.  Magkaiba ang naging pagkilala nila kay Jesus.

Ang isa ay may paghamon sa katotoohanan patungkol sa katangian ni Jesus. At ang isa naman at kinilala si Jesus bilang Mesias ang Tagapagligtas.

Nagkaroon ng paguusap ang ang mga kriminal at si Jesus habang sila ay nakapako sa krus at papunta na sa kamatayan.

Sa puntong ito, tayo naman ay naririto sa isang yugto ng buhay- “ang oras ng kamatayan” na ngayon ay nararansan ni ____________________.

Mula sa Kasulatan sa Mangangaral 3:1-2a

“May oras na nakatakda para sa lahat ng gawain dito sa mundo:2 May oras ng pagsilang at may oras ng kamatayan;”

Kaya naman hindi lamang ito oras ng pagluha at pagluluksa ngunit ito rin ay oras para sating lahat ng paghahanda sa oras ng kamatayan. Sapagkat hindi maaakila na ang lahat ng tao ay mararanasan ang ganitong sitwasyon.

Ano paghahanda ang nararapat gawin? Ano ang naging aksyon ng mga kasama ni Jesus na napako sa Krus habang sila ay nasa bingid ng kamatayan.

 

KATAWAN

Ø  “Pag-amin at pagsisisi sa nagawang kasalanan.”

41 Tunay na ang kaparusahan sa atin ay matuwid sapagkat tinanggap natin ang nararapat na kabayaran ng ating ginawa.

 

23 Sapagkat ang kabayaran ng kasalanan ay kamatayan, ngunit ang kaloob ng Dios ay buhay na walang hanggan sa pamamagitan ni Cristo Jesus na ating Panginoon. (ROMA 6:23)

 

Ang isang kriminal na kasama ni Jesus na nakapako sa krus ay kinilala niya na karapatdapat lamang sa kanya ang kaparusahang kamatayan dahil sa nagawa niyang kasalanan.

 

Ang “Pag-amin at pagsisisi sa nagawang kasalanan ay hindi lamang para sa kriminal na nakasama ni Jesus ngunit ito ay para sa ating lahat sapagkat sinasabi sa Roma 3:23 “ Sapagkat ang lahat ay nagkasala at hindi naging karapat-dapat sa paningin ng Dios.

 

Tunay na hindi tayo karapatdapat ngunit... mayroong ang kaloob ang Dios na buhay na walang hanggan sa pamamagitan ni Cristo Jesus na ating Panginoon.

Ø  Pagkilala Kay Jesus bilang Panginoon at Tagapaligtas.

Sa panahon noon marami ang nagsasabi na Si Jesus ang Mesias o ang Tagapagligtas. Hinamon, sinubok ng may pagdududa ang Pagkakakilanlan ni Jesus ng isang kriminal na kasama niya na nakapako. “Kung ikaw ang Mesiyas, iligtas mo ang iyong sarili at kami.” V.39b

Ngunit ang isa naman na kriminal ito ang kanyang sinabi….

42 Sinabi niya kay Jesus: Panginoon, alalahanin mo ako kapag ikaw ay nasa paghahari mo na.

----Ang pagsabi niya ng “alalahanin mo ako kapag ikaw ay nasa paghahari mo na” ay isang patunay na si Jesus ay kinikilala niya bilang kanyang Panginoon, Hari, at Tagapagligtas.

 

Ano ang naging tugon ni Jesus sa kanya?

43 Sinabi ni Jesus sa kaniya: Katotohanang sinasabi ko sa iyo, sa araw na ito, ikaw ay makakasama ko sa Paraiso.

Ang Paraiso na ito na tinutukoy ay mailalarawan na bagong tahanan, bagong langit at lupa at magiging mamamayan ng Diyos kung saan “papahirin niya ang mga luha sa kanilang mga mata. Wala nang kamatayan, kalungkutan, iyakan o sakit. Sapagkat lumipas na ang dating kalagayan” (Pahayag 21:1,4).

Pahayag 21

21 Pagkatapos nito, nakita ko ang bagong langit at ang bagong lupa. Naglaho na ang dating langit at lupa, pati na rin ang dagat. 2 At nakita ko ang Banal na Lungsod, ang bagong Jerusalem, na bumababa mula sa langit galing sa Dios. Ang lungsod na iyon ay tulad ng isang babaeng ikakasal. Handang-handa na, at gayak na gayak sa pagsalubong sa lalaking mapapangasawa niya. 3 Narinig ko ang isang malakas na sigaw mula sa trono, “Ngayon, ang tahanan ng Dios ay nasa piling na ng mga tao! Mananahan na siyang kasama nila. Silaʼy magiging mga mamamayan niya. At siyaʼy makakapiling na nila [at magiging Dios nila.] 4 Papahirin niya ang mga luha sa kanilang mga mata. Wala nang kamatayan, kalungkutan, iyakan o sakit. Sapagkat lumipas na ang dating kalagayan.”

 

Hindi natatapos ang buhay sa kamatayan dito sa lupa dahil may kaloob ang Diyos na buhay na walang hanggan sa pamamagitan ni Jesus.

Sapagkat…. (Juan 14:1-7)

14 Sinabi ni Jesus sa kanila, “Huwag kayong mabagabag. Magtiwala kayo sa Dios at magtiwala rin kayo sa akin. 2 Sa tahanan ng aking Ama ay maraming silid. Pupunta ako roon para ipaghanda kayo ng lugar. Hindi ko ito sasabihin kung hindi ito totoo. 3 Kapag naroon na ako at naipaghanda na kayo ng lugar, babalik ako at isasama kayo upang kung nasaan ako ay naroon din kayo. 4 At alam nʼyo na ang daan papunta sa pupuntahan ko.” 5 Sinabi ni Tomas sa kanya, “Panginoon, hindi po namin alam kung saan kayo pupunta, paano po namin malalaman ang daan?” 6 Sumagot si Jesus, “Ako ang daan, ang katotohanan, at ang buhay. Walang makakarating sa Ama kung hindi sa pamamagitan ko. 7 Kung kilala nʼyo ako, kilala nʼyo na rin ang aking Ama. At ngayon nga ay nakilala at nakita nʼyo na siya.”

WAKAS-HAMON

Nagtitiwala ako na kahit sa pinakahuling sandali ng buhay ng tao, mayroong personal na pag-uusap at relasyong nabubuo sa pagitan niya at ng Diyos, katulad ng pangyayari sa mga kriminal na nakasama ni Jesus habang sila ay nakapako sa krus.

Ngunit sa puntong ito, hindi na nawa pa hintayin ang huling pagkakataon ng buhay para magsisi sa mga pagkakasala at kilalanin si Jesus bilang Panginoon at Tagapaglitas.

Bagkus sa oras na naipahayag at nalaman namin ang Magandang Balita na Mahal ng Diyos ang Sanlibutan, ibinigay ang Kanyang bugtong na Anak (si Jesus) upang ang sinumang sumampalataya sa kanyang ay hindi mapahamak kundi magkaroon ng buhay na walang hanggan” (Juan 3:16), ay nakahanda ang bawat isa na tumugon sa panagwan ng Diyos.

 

Sa pagkaaalam ng katotohanan, nawa’y handang tumugon ang bawat isa. Magawa ang paghahanda para sa buhay na walang hanggan (ang pagsisi sa lahat ng nagawang kasalanan at ang pagkilala kay Jesus bilang Panginoon at Tagapagligtas.

 

Panalangin ng Pagtanggap.

Labels:

Comments

Post a Comment

Other Stations

Mamuhay Katulad ni Cristo

 Colosas 3:1  "Yamang binuhay kayong muli na kasama ni Cristo, ituon ninyo ang inyong pag-iisip sa mga bagay na nasa langit na kinaroroonan ni Cristo, na nakaupo sa kanan ng Diyos." Anong ang mga dapat na nating talikuran bilang binuhay ni Cristo? 1. Kaya't patayin na ninyo ang mga pagnanasang makamundo: ang pakikiapid, karumihan, mahalay na simbuyo ng damdamin, masamang pagnanasa, at ang kasakiman na isang uri ng pagsamba sa diyus-diyosan (Colosas 3:5) 2. Ngunit ngayon, itakwil na ninyo ang lahat ng galit, poot, at sama ng loob. Iwasan na ninyo ang panlalait at malaswang pananalita (Colosas 3:8). 3.Huwag kayong magsisinungaling sa isa't isa, sapagkat hinubad na ninyo ang dati ninyong pagkatao, pati ang mga gawa nito (Colosas 3:9) Ano ang dapat nating gawin bilang binuhay muli na kasama ni Cristo? "Isinuot ninyo ang bagong pagkatao na patuloy na nababago at nagiging kalarawan ng Diyos na lumikha sa inyo, upang lalo ninyo siyang makilala" (Colosas 3:10).  Hin...
Post a Comment
Read more

Ang Simula

Isa sa pinakamahirap gawin ay ang magsimula. Ang katumbas kasi ng pagsisimula ay ang pagpapatuloy hanggang makarating ka sa dulo. Halimbawa na lamang ngayon, matagal ko nang gusto na magsulat upang maibahagi ang aking mga karanasan at kaisipan. Naiisip ko kasi na ang bawat araw na ibinibigay sa ating ng Panginoon ay may dulot na aral. Kaya napakahalaga na maitala ang mga kaganapan na nangyayari sa ating buhay o sa ating paligid. Bago magsimula ang isang tao, maaari na siya ay may plano o may ginagawang paghahanda. Hindi naman ito mali sapagkat sa pamamagitan nito nagkakaroon ng panahon ang tao na mag-isip patungkol sa kung paano siya magsisimula. Tinutulungan din nito ang tao na suriin ang mga bagay na dapat niyang isaalang-alang. Ang hindi maganda ay ang walang pag-usad, yung hanggang paghahanda at pagplaplano na lamang. Tandaan natin na ang panahaon ay lumilipas at ang oras ay hindi humihinto. Kaya hangga't maaari ay magkaroon nawa ng kahandaan sa sarili ang bawat isa at maglaan ...
Post a Comment
Read more

I Still Believe

Title: I Still Believe Scripture: Proverbs 16:1 The plans of the mind belong to mortals, but the answer of the tongue is from the LORD. Proverbs 16:9 The human mind plans the way,     but the Lord directs the steps. Hello, how have you been? Kumusta? Tonight, I unexpectedly watched a movie and its title is I Still Believe. This movie is based on the true story of an American singer and his faithful wife who died of cancer. I can relate to the movie because in the last two months my sister passed away because of her heart and skin disease.  Just like how the married couple in the movie keep their faith in God so as our family, until my sister's last breath, prayed for healing and God's will. My sister was in great pain. I saw her and it hurt me so much. I prayed to God. I prayed to God to heal my sister, I asked for a miracle. God has extended my sister's life for a week.  But not a single word did she say she's going to die. She said , "laban lang tiwala lang....
Post a Comment
Read more